A loita inquilina fíxose sempre con desobediencia. Agora, o Sindicat de Llogateres de Catalunya e o Sindicato de Inquilinas de Madrid están a organizar folgas de alugueiros para gañar o pulso á Caixa e a Nestar-Azora. Decenas de inquilinos loitan pola vivenda pública e contra os contratos abusivos. Son só as primeiras: as folgas de alugueiros viñeron para quedar. Pero para redobrar a aposta contra o rendismo, necesitamos novas ferramentas. Enche a caixa de resistencia.

A Fundación Coop57, en defensa do dereito fundamental á vivenda, impulsa unha campaña de apoio solidario coa alianza política que o Sindicat de Llogateres de Catalunya e o Sindicato de Inquilinas de Madrid estableceron para poder crear unha caixa de resistencia ao servizo das folgas de alugueiros que ambos os sindicatos impulsen. Sempre coa porta aberta á posibilidade que, se no futuro outros sindicatos organizan de forma asemblearia coas inquilinos folgas de alugueiros, tamén poidan acceder a esta estrutura popular e a súa gobernanza.

Uns queremos unha vivenda para vivir nela, mentres outros as acumulan para vivir do noso traballo. Pero cada vez son máis os inquilinos e inquilinas que deciden unirse aos sindicatos, que non se van da súa casa cando o caseiro quere botalos, que se nega a asumir novas subidas de alugueiro… Debemos estar á beira de quen hoxe protagoniza e organiza as primeiras folgas de alugueiros. A súa loita tamén é polos nosos dereitos.

Organizar unha folga de alugueiros supón uns gastos económicos. O diñeiro recadado dedicarase a sufragar as accións legais vinculadas á folga e as necesidades loxísticas e organizativas da mesma. Ademais, se se recadase máis diñeiro do que se necesite nas folgas actuais, conformarase unha caixa de resistencia dispoñible para futuras folgas de alugueiro.