Sindicat de Llogateres de Catalunya eta Madrilgo Maizterren Sindikatua kanpainari laguntzeko dohaintzen baldintzak

Koop57 Fundazioak kudeatzen ditu dohaintza solidario hauek. 49/2002 Legearen 18., 19. eta 20. artikuluen arabera – Covid19aren pandemiaren ondorioz aldatu zen, gizarte-ekimenen babesa eta finantzaketa sustatzeko –, eta abenduaren 19ko 6/2023 Errege Lege Dekretuaren arabera – dohaintzen zerga-kenkaria aldatu eta handitzen du, 2024ko urtarrilaren 1etik aurrerako ondorioekin –, zerga-kenkariak aldatu eta zabaldu dira, honako baldintza hauetan:

Pertsona fisikoa: Errenta-aitorpenean dohaintzaren % 80 kendu ahal izango du lehenengo 250 €-etarako, eta % 40 gainerako kopururako. Dohaintzak aurreko bi urteetan mantendu badira edo hurrengo urteetan igo badira, 250 €-tik gorako zenbatekoari aplikatu beharreko kenkariaren ehunekoa % 45ekoa izango da. Errenta-aitorpenaren likidazio-oinarrian % 10eko muga orokorra izango du.

Pertsona juridikoa: Dohaintzaren % 40 kendu ahal izango du Sozietateen gaineko Zergan. Dohaintzak aurreko bi urteetan mantendu badira edo hurrengo urteetan igo badira, aplikatu beharreko kenkariaren ehunekoa % 50ekoa izango da. % 10eko muga orokorrarekin sozietateen gaineko zergaren zerga-oinarrian.

Pertsona fisikoek zein juridikoek dagokion ziurtagiri fiskala jasoko dute, Koop57 Fundazioak emana, 2026eko lehen hiruhilekoan, errenta-aitorpena egiteko epea ireki baino lehen. Dohaintza aitorpenaren zirriborroan ere automatikoki aterako zaie, zerga-agintariei behar bezala jakinaraziko baitzaie.

---

[Hego Euskal Herria]
EAE eta Nafarroako lurraldeetan ogasun-neurriak desberdinak dira. Hona hemen herrialdearen araberako banaketa:

Bizkaia – Dohaintzak %30. Kenkari bakoitzaren oinarria ezin da oinarri ezargarriaren % 35 baino handiagoa izan. Ezarritako mugak gainditzeagatik kendu gabeko kopuruak hurrengo bost urteetan aplikatu ahal izango dira.

Gipuzkoa – Dohaintzak %20. Kenkari bakoitzaren oinarria ezin da oinarri ezargarriaren % 30 baino handiagoa izan.

Araba – Dohaintzak %20. Kenkari bakoitzaren oinarria ezin da oinarri ezargarriaren % 30 baino handiagoa izan.

Nafarroa – Dohaintzaren % 80 kendu ahal izango dute lehenengo 150 euroan eta % 35 gainerako zenbatekoan, oinarri ezargarriaren % 10eko kenkariarekin. Sozietateen gaineko zergan %20ra arte ken dezakete enpresek, baina kenkariaren muga zerga-oinarriaren %10ekoa da. Muga hori gainditzen bada, ez zenuke galduko zerga kenkaria, berehalako 10 urteetan aplika dezakezulako.